دۆلەت رەئىسى شى جىنپىڭ 12-نويابىر خەلق سارىيىدا زىياپەت ئۆتكۈزۈپ، ئامېرىكا زۇڭتۇڭى ئوبامانىڭ دۆلەت ئىشلىرى زىيارىتىدە بولۇش ئۈچۈن جۇڭگوغا كەلگەنلىكىنى قارشى ئالدى، يۈ جېڭشىڭ، ليۇ يۈنشەن، ۋاڭ چىشەن، جاڭ گاۋلىلار قاتناشتى.
شى جىنپىڭ مۇنداق دەپ كۆرسەتتى: بۇندىن 35 يىل ئىلگىرى، جۇڭگو بىلەن ئامېرىكا دىپلوماتىك مۇناسىۋەت ئورنىتىپ، ئىككى دۆلەت مۇناسىۋىتى ۋە خەلقى ئالاقىسىنىڭ يېڭى دەۋىرىنى باشلىغان ئىدى. بۈگۈنكى كۈندە، جۇڭگو بىلەن ئامېرىكىنىڭ يېڭىچە چوڭ دۆلەتلەر مۇناسىۋىتى قۇرۇلۇشىدا زور ئىلگىرلەشلەر قولغا كەلتۈرۈلۈپ، ئىككى دۆلەت مۇناسىۋىتى يېڭى تارىخىي باشلىنىش نۇقتىسىدا تۇرماقتا. جۇڭگودا كۆرۈنگەن تاغ يىراق ئەمەس دېگەن سۆز بار. بىز ئىككى تەرەپ ئېگىزدە تۇرۇپ، يىراققا نەزەر سېلىپ، قىيىنچىلىقلارنى يېڭىپ، جۇڭگو ئامېرىكا مۇناسىۋىتىنىڭ توغرا يولىنىشنى بويلاپ مۇقىم، پۇختا ھالدا كەلگۈسىگە يۈزلىنىشىگە تۈرتكە بولۇشمىز كېرەك.
ئوباما مۇنداق دېدى: 35 يىلدىن بۇيان، ئامېرىكا بىلەن جۇڭگونىڭ ئالاقىسى يوقلۇقتىن بارلىققا كېلىپ، كېچىكتىن زورىيىپ، ئەگرى توقاي يوللارنى بېسىپ ئۆتتى. ئىككى دۆلەت يېقىن ۋە مۇھىم ھەمكارلىق شېرىكلىرى، قىيىن ئىش يوق ئالەمدە، كۆڭۈل قويغان ئادەمدە. ئامېرىكا تەرەپ جۇڭگو بىلەن بىرلىكتە، ئامېرىكا بىلەن جۇڭگونىڭ يېڭىچە چوڭ دۆلەتلەر مۇناسىۋىتى قۇرۇلۇشىنىڭ ئۈزلۈكسىز ئالغان قاراپ تەرەققىي قىلىشىغا تۈرتكە بولۇشى كېرەك.
زىياپەتكە يەنە ۋاڭ خونىڭ، ليۇ يەندوڭ، ۋاڭ ياڭ، فەن چاڭلوڭ، لى جەنشۇ، جاڭ پىڭ، ياڭ جېچى، خەن چىدې، دوڭ جيەنخۇا قاتارلىقلار قاتناشتى.
مەنبە: جۇڭگو ئۇيغۇرچە رادىيو تورى