خەلق تورى ئۇيغۇرچە قانىلىنىڭ 10-سېنتەبر بېيجىڭدىن بەرگەن تېلېگراممىسى: 9-چېسلا پارتىيە ۋە دۆلەت رەھبەرلىرىدىن شى جىنپىڭ، لى كېچياڭ، ليۇ يۈنشەن، جاڭ گاۋلى قاتارلىقلار بېيجىڭ خەلق چوڭ سارىيىدا 30-قېتىملىق ئوقۇتقۇچىلار بايرىمىنى تەبرىكلىدى ۋە مائارىپ سىستېمىسىدىكى ئىلغار كوللېكتىپ ۋە ئىلغار شەخسلەرنى مۇكاپاتلاش يىغىنىدا تەقدىرلەنگەن ۋەكىللەر بىلەن كۆرۈشتى.خەلق تورى ئۇيغۇرچە قانىلىنىڭ 9-چېسلا بېيجىڭدىن بەرگەن خەۋىرى: 30-قېتىملىق ئوقۇتقۇچىلار بايرىمىنى تەبرىكلەش ۋە مائارىپ سىستېمىسىدىكى ئىلغار كوللېكتىپ ۋە ئىلغار شەخسلەرنى مۇكاپاتلاش يىغىنى 9-چېسلا بېيجىڭدا ئۆتكۈزۈلدى. ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭ خەلق چوڭ سارىيىدا تەقدىرلەنگەن ۋەكىللەر بىلەن قىزغىن كۆرۈشۈپ، تەقدىرلەنگەن ئىلغار كوللېكتىپ ۋە ئىلغار شەخسلەرنى پارتىيە مەركىزىي كومىتېتى، گوۋۇيۈەنگە ۋاكالىتەن قىزغىن تەبرىكلىدى، پۈتۈن مەملىكەتتىكى ئوقۇتقۇچى ۋە مائارىپ خىزمەتچىلىرىدىن بايراملىق ھال سورىدى.
جۇڭگو مىللەتلەر تەرجىمە ئىدارىسى تەرجىمىسى
مەنبە: خەلق تورى