شى جىنپىڭ كۇبا دۆلەت ئىشلىرى كومىتېتىنىڭ رەئىسى قوشۇمچە مىنىستىرلەر كېڭىشىنىڭ رەئىسى رائۇل كاستىرو بىلەن سۆھبەتلەشتى(1)

2014.07.24 16:00   مەنبە: خەلق تورى

　　خەلق تورى ئۇيغۇرچە قانىلىنىڭ24-ئىيۇل بېيجىڭدىن بەرگەن تېلېگراممىسى:شى جىنپىڭ سەمىمىي دوستلۇقنى كۈچەيتىپ، ئۆزئارا نەپ يەتكۈزۈپ ئورتاق پايدا ئالىدىغان ھەمكارلىقنى قەتئىي قانات يايدۇرۇپ، ئىسلاھات-تەرەققىياتتىكى ھەمراھلاردىن بولۇشنى تەكىتلىدى .

　　شۇ جاي ۋاقتى 22-ئىيۇل، دۆلەت رەئىسى شى جىنپىڭ ھاۋانادا كۇبا دۆلەت ئىشلىرى كومىتېتىنىڭ رەئىسى قوشۇمچە مىنىستىرلەر كېڭىشىنىڭ رەئىسى رائۇل كاستىرو بىلەن سۆھبەتلەشتى.

　　رائۇل كاستىرو رەئىس شى جىنپىڭنى قىزغىن قارشى ئالدى، جۇڭگونى زىيارەت قىلغاندىكى ئىشلارنى خۇرسەنلىك بىلەن ئەسلەپ ئۆتتى ھەم مۇنۇلارنى بىلدۈردى: ئىككى دۆلەت مۇناسىۋىتى تارىختىكى ئەڭ ياخشى مەزگىلدە تۇرۇۋاتىدۇ، ئىككى دۆلەت ھەمكارلىقىنى ھەر قايسى ساھەلەرگە كېڭەيتىشىمىز كېرەك. مەن رەئىس شى جىنپىڭ بىلەن ئىككى دۆلەت مۇناسىۋىتى ئۈستىدە چوڭقۇر پىكىر ئالماشتۇرۇپ، بىر قاتار مۇھىم ھەمكارلىق كېلىشىملىرىنىڭ ئىمزالىنىشىغا شاھىد بولۇپ، ھەمكارلىق كۈچەيتىشتەك ئورتاق ئارزۇيىمىزنى نامايان قىلىشقا تەقەززا.

　　شى جىنپىڭ مۇنۇلارنى كۆرسەتتى: دىپلوماتىك مۇناسىۋەت ئورناتقان 54 يىلدىن بۇيان، جۇڭگو بىلەن كۇبا بىر نىيەت-بىر مەقسەتتە بولۇپ، ئورتاق ئارزۇ-ئېتىقادنى باشتىن-ئاخىر ساقلاپ، سوتسىيالىزم قۇرۇش يولىدا جاپا-مۇشەققەت ۋە جەبر-جاپادا بىرگە بولۇپ كەلدى؛ باشتىن-ئاخىر بىر-بىرىگە سەمىمىي مۇئامىلە قىلىپ، ئۆزئارا ھۆرمەتلەپ، باراۋەرلىك ۋە ئۆزئارا نەپ يەتكۈزۈش ئاساسىدا ھەمكارلىشىپ، ئورتاق تەرەققىياتنى ئىلگىرى سۈردى؛ زامانغا بېقىپ ۋەزىيەتكە ماسلىشىپ، دەۋر بىلەن تەڭ ئىلگىرىلەپ، جۇڭگو-كۇبا مۇناسىۋىتىگە يېڭى كۈچ قوشتى. جۇڭگو كۇبا بىلەن بولغان ئەنئەنىۋى دوستلۇقنى قەدىرلەيدۇ،خەلقئارا ۋەزىيەت مەيلى قانداق بولۇپ كەتسۇن، جۇڭگو بىلەن كۇبا ئۇزاق مۇددەت دوستانە ئۆتۈش فاڭجېنىدا چىڭ تۇرىدۇ. بىز سەمىمىي دوستلۇقنى كۈچەيتىپ، ئۆزئارا نەپ يەتكۈزۈپ ئورتاق پايدا ئالىدىغان ھەمكارلىقنى قەتئىي قانات يايدۇرۇپ، ئىسلاھات-تەرەققىياتتىكى ھەمراھلاردىن بولۇشىمىز كېرەك.

　　جۇڭگو مىللەتلەر تەرجىمە ئىدارىسى تەرجىمىسى
　 مەنبە: خەلق تورى