گوۋۇيۈەننىڭ زۇڭلىسى لى كېچياڭ 7-ماي نىگېرىيە زۇڭتۇڭى جونازان بىلەن سۆھبەت ئۆتكۈزدى
گوۋۇيۈەننىڭ زۇڭلىسى لى كېچياڭ 7-ماي نىگېرىيە زۇڭتۇڭى جونازان بىلەن سۆھبەت ئۆتكۈزدى . جونازان لى كېچياڭنىڭ نىگېرىيەنىڭ بىخەتەرلىك ۋەزىيىتى كەسكىن بولۇۋاتقان ئەھۋالدا ئۆز قەرەلىدە زىيارەتتە بولۇپ ، ھەقىقىي دوستنىڭ باشقا كۈن چۈشكەندە ئەسقاتقانلىقىغا رەھمەت ئېيتتى . لى كېچياڭ جۇڭگو تەرەپنىڭ نىگېرىيەنى ھەر خىل يوللار بىلەن قوللايدىغانلىقى ۋە ياردەم بېرىدىغانلىقىنى بىلدۈردى ، شۇنىڭ بىلەن بىر ۋاقىتتا ، نىگېرىيە تەرەپنىڭ نىگېرىيەدىكى جۇڭگو پۇقرالىرىنىڭ بىخەتەرلىكىنى قوغداشنى كۈچەيتىشىنى ئۈمىد قىلدى . نۆۋەتتە نىگېرىيەدە 65 مىڭ جۇڭگولۇق بار بولۇپ ، نىگېرىيە دۆلىتىمىز پۇقرالىرى ئەڭ كۆپ ئولتۇراقلاشقان ئافرىقا دۆلەتلىرىنىڭ بىرى ھېسابلىنىدۇ .