شى جىنپىڭ تەيۋەن خەلقچىل پارتىيەسىنىڭ رەئىسى سۇڭ چۇيۈ بىلەن كۆرۈشتى

2014.05.08 15:31   مەنبە: تەڭرىتاغ ئۇيغۇرچە تورى

　　جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى ، دۆلەت رەئىسى ، مەركىزىي ھەربىي ئىشلار كومىتېتىنىڭ رەئىسى شى جىنپىڭ 7-ماي چۈشتىن بۇرۇن ‹‹خەلق›› سارىيىدا تەيۋەن خەلقچىل پارتىيەسىنىڭ رەئىسى سۇڭ چۇيۈ قاتارلىقلار بىلەن كۆرۈشتى

　　شىنخۇا تورى ، بېيجىڭ ، 7-ماي تېلېگراممىسى : جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى ، دۆلەت رەئىسى ، مەركىزىي ھەربىي ئىشلار كومىتېتىنىڭ رەئىسى شى جىنپىڭ 7-ماي چۈشتىن بۇرۇن ‹‹خەلق›› سارىيىدا تەيۋەن خەلقچىل پارتىيەسىنىڭ رەئىسى سۇڭ چۇيۈ قاتارلىقلار بىلەن كۆرۈشتى . شى جىنپىڭ مۇنداق تەكىتلىدى: ئىككى قىرغاق مۇناسىۋىتىنىڭ تىنچ تەرەققىياتى ئىككى قىرغاقتىكى قېرىنداشلارنىڭ تارىخ دولقۇنىغا بويسۇنۇپ چىقارغان ئورتاق تاللىشى . پەقەت بىز ‹‹ ئىككى قىرغاق بىر ئائىلە كىشىلىرى ›› دەيدىغان نۇقتىئىنەزەردىن چىقىپ ، قەلبداش بولۇپ، سەمىمىي ، بىر-بىرىمىزنى ھۆرمەتلىشىدىغانلا بولساق ، ھەل قىلغىلى بولمايدىغان زىددىيەت ، يەڭگىلى بولمايدىغان قىيىنچىلىق يوق .

　　شى جىنپىڭ مۇنداق كۆرسەتتى : ئىككى قىرغاق مۇناسىۋىتى تىنچ تەرەققىياتىنىڭ چوڭ ۋەزىيىتى مۇقىم بولۇپ ، بوران-چاپقۇنلارنىڭ سىنىقىنى باشتىن ئۆتكۈزدى . ئىككى قىرغاق مۇناسىۋىتىدىكى نەچچە ئون يىللىق بوران-چاپقۇندا ئىككى قىرغاق مۇناسىۋىتىنىڭ ئومۇمىي يۈزلىنىشى ئالغا قاراپ تەرەققىي قىلدى ، بۇ تارىخىي مۇقەررەرلىك . تىنچ تەرەققىيات ئىككى قىرغاقتىكى قېرىنداشلارنىڭ ئورتاق تەلپۈنۈشى بولۇپ ، ئىككى قىرغاقتىكىلەرگە پايدىلىق بولۇپ ، ئىككى قىرغاقتىكىلەرگە ئورتاق نەپ يەتكۈزىدۇ . بىزنىڭ ئىككى قىرغاق مۇناسىۋىتىنىڭ تىنچ تەرەققىياتىغا تۈرتكە بولۇشتىكى سىياسەت-تەدبىرلىرىمىز ئۆزگەرمەيدۇ ، ئىككى قىرغاقنىڭ ئالماشتۇرۇش ۋە ھەمكارلىقى ، ئۆزئارا مەنپەئەت يەتكۈزۈپ ئورتاق گۈللىنىشنى ئىلگىرى سۈرۈشتىكى ئەمەلىي ھەرىكەتلىرىمىزدىن ۋاز كەچمەيمىز ، تەيۋەنلىك قېرىنداشلار بىلەن ئىتتىپاقلىشىپ ، ئورتاق كۈرەش قىلىدىغان سەمىمىي ھېسسىياتىمىزنى سۇسلاشتۇرۇپ قويمايمىز ، ‹‹ تەيۋەن مۇستەقىللىقى ›› بۆلگۈنچىلىك سۈيقەستىنى چەكلەشتىن قەتئىي ۋاز كەچمەيمىز . بىز تەيۋەن جەمئىيىتىنىڭ مۇقىم بولۇپ ، ئىقتىسادىنىڭ تەرەققىي قىلىپ ، خەلق تۇرمۇشىنىڭ ياخشىلىنىپ ، تەيۋەنلىك قېرىنداشلارنىڭ بەختىيار ، تىنچ-ئامان ، بەختىلىك تۇرمۇش كەچۈرۈشىنى ئۈمىد قىلىمىز.

　　شى جىنپىڭ مۇنۇلارنى بىلدۈردى : ئىككى قىرغاق مۇناسىۋىتىنىڭ تىنچ تەرەققىياتىدا ۋەزىپە ئېغىر ، يول يىراق بولۇپ، ئىككى قىرغاقتىكى قېرىنداشلارنىڭ ئۆزئارا ئىشىنىشىگە مۇھتاجمىز . قېرىنداشلاردا پەقەت ئۆزائارا ئىشەنچ بولغاندىلا ، نۇرغۇن قىيىنچىلىقلارنى ئاسان ھەل قىلىشنىڭ ئۇسۇلىنى تاپقىلى بولىدۇ . بىز ئاكتىپ شارائىت يارىتىپ ، ئىككى قىرغاقتىدىكى ھەر ساھە ، ھەر قاتلامدىكى خەلقنىڭ ئۇچرىشىشنى كېڭەيتىپ ، يۈتۇرانە چۈشىنىش ھاسىل قىلىپ ، يۈرەك سىرلىرىمىزنى ئالماشتۇرۇپ ، چۈشىنىشنى ئۈزلۈكسىز ئىلگىرى سۈرۈپ ، دىل يىراقلىقىنى يېقىنلاشتۇرۇشىمىز كېرەك .

　　شى جىنپىڭ مۇنداق تەكىتلىدى : ئىككى قىرغاق مۇناسىۋىتىنىڭ ئىستىقبالى كەڭ ، داۋاملىق ئېچىش ۋە تەرەققىي قىلدۇرۇش كېرەك . چوڭ قۇرۇقلۇق ئىسلاھاتنى ئومۇميۈزلۈك چوڭقۇرلاشتۇرۇپ ۋە سىرتقا قارىتا ئېچىۋېتىشنى كېڭەيتىپ، ئىككى قىرغاقنىڭ ئىقتىسادىي ھەمكارلىقىغا ھەرىكەتلەندۈرگۈچ كۈچ ۋە پايدىلىق شارائىت يارىتىدۇ . ئىقتىسادتىكى بىرلىشىش ئىككى قىرغاقنىڭ ئۆزئارا مەنپەئەتلىنىپ گۈللىنىشىگە پايدىلىق بولۇپ ، ھەرقانداق چاغدا ئۇنىڭ دەخلى قىلىشقا بولمايدۇ . بىز تەيۋەن خەلقى ، بولۇپمۇ ئاساسىي قاتلام خەلقىنىڭ رېئال ئېھتىياجىنى چوڭقۇر چۈشىنىپ ، ئاكتىپ ، ئۈنۈملۈك تەدبىرلەرنى قوللىنىپ ، ئاجىز ۋەزىيەتتىكى ئومۇمىي توپتىن خەۋەر ئېلىپ ، تېخىمۇ كۆپ تەيۋەن خەلقىنى ئىككى قىرغاقنىڭ ئىقتىسادىي ئالماشتۇرۇش ۋە ھەمكارلىقىدا مەنپەئەتلەندۈرىمىز .

　　شى جىنپىڭ مۇنداق كۆرسەتتى : ئىككى قىرغاقتىكى ياشلار ئىككى قىرغاق مۇناسىۋىتىنىڭ كەلگۈسىنى زىممىسىگە يۈكلىگەن . تېخىمۇ كۆپ چارە-تەدبىر ئويلاپ ، تېخىمۇ كۆپ شارائىت يارىتىپ ، ئۇلارنى كۆپرەك ئالاقە قىلىشقا ، كۆپرەك پىكىر ئالماشتۇرۇشقا ئۈندەش كېرەك ، ئىككى قىرغاق مۇناسىۋىتىنىڭ تىنچ تەرەققىياتىنىڭ يۈزلىنىشىنى ھېس قىلدۇرۇش، جۇڭخۇا مىللەتلىرىنىڭ ئۇلۇغ گۈللىنىش يۈزلىنىشىنى ھېس قىلدۇرۇش كېرەك .

　　كۆرۈشۈشتە شى جىنپىڭ سۇڭ چۇيۈ ۋە خەلقچىل پارتىيەسىنىڭ ئىككى قىرغاق مۇناسىۋىتىدە تارىخىي بۇرۇلۇشنى ئىشقا ئاشۇرۇشتا ئوينىغان مۇھىم رولىغا ئاكتىپ باھا بەردى ھەمدە خەلقچىل پارتىيەسىنىڭ ئىزچىل بىر جۇڭگو مەيدانىدا چىڭ تۇرۇپ ، ‹‹تەيۋەن مۇستەقىللىقى ›› بۆلگۈنچىلىك سۈيقەستىگە داۋاملىق قارشى تۇرۇپ ، تەيۋەندىكى ھەرساھە ئەربابلار بىلەن بىرلىكتە ، ئىككى قىرغاق مۇناسىۋىتىنىڭ تىنچ تەرەققىياتىنىڭ ئومۇمىي ۋەزىيىتىنى قەتئىي قوغدىشىنى ئۈمىد قىلدى .

　　سۇڭ چۇيۈ مۇنۇلارنى بىلدۈردى : خەلقچىل پارتىيەسى ئىككى قىرغاقنىڭ بىر جۇڭگو مەيدانىدا چىڭ تۇرۇپ ، ‹‹تەيۋەن مۇستەقىللىقى ››گە قارشى تۇرۇشتىن ئىبارەت تۈپ ئىدىيەدە قەتئىي تەۋرەنمەيدۇ ، ئىككى قىرغاق مۇناسىۋىتىنىڭ تىنچ تەرەققىياتىنىڭ توغرا يۆنىلىشىدە قەتئىي چىڭ تۇرۇپ ، ‹‹ئىككى قىرغاق بىر ئائىلە كىشىلىرى›› دەيدىغان ئىدىيە بويىچە، ئىككى قىرغاقنىڭ سۆھبەتلىشىش ۋە پىكىر ئالماشتۇرۇشىنى كۈچەيتىپ ، سىياسىي جەھەتتىكى ئۆزئارا ئىشىنىشنى ئىلگىرى سۈرۈپ ، ‹‹جۇڭگو ئارزۇسى ›› دىن ئىبارەت ئورتاق غايىنى ئەمەلگە ئاشۇرۇش ئۈچۈن ئورتاق تىرىشىدۇ .