6-ماي ، نىگېرىيە زۇڭتۇڭى Jonathan نىڭ تەكلىپىگە بىنائەن گوۋۇيۈەن زۇڭلىسى لى كېچياڭ مەخسۇس ئايروپىلان بىلەن ئابۇجا ئايرودۇرۇمىغا يېتىپ كەلدى ، لى كېچياڭنىڭ رەپىقىسى چېڭ خۇڭ ھەمراھ بولدى 6-ماي كەچ ، زۇڭلى لى كېچياڭ نىگېرىيەنىڭ پايتەختى ئابۇجاغا يېتىپ كېلىپ ، نىگېرىيەدىكى زىيارىتىنى باشلىدى . ئىگىلىنىشىچە ، لى كېچياڭ بۇ قېتىم دۆلەت ئىشلىرى زىيارىتىدىن باشقا يەنە 24-نۆۋەتلىك دۇنيا ئىقتىساد مۇنبىرىنىڭ ئافرىقىدىكى ئۇچرىشىش يىغىنىغا قاتنىشىدىكەن .
شۇ كۈنى ، نىگېرىيەنىڭ تاشقى ئىشلار مىنىستىرى بىلەن ئەمگەك مىنىستىرى ئايرودۇرۇمغا چىقىپ لى كېچياڭنى كۈتۈۋالدى ، نىگېرىيە فېدېراتسىيە پايتەخت رايونى مىنىستىرى ئەزىز ئەنئەنىۋى مېھمان كۈتۈش ئادىتى بويىچە لى كېچياڭغا ئابۇجا شەھىرىنىڭ ‹‹ئاچقۇچى›› نى سوۋغا قىلىپ ، لى كېچياڭنىڭ زىيارەتكە كەلگەنلىكىنى قىزغىن قارشى ئالدى .