سۈرەتتە: شى جىنپىڭ دوڭچېڭ رايونى يۈئېر كوچىسى ئارىلاش قورۇدىكى ئولتۇراق ئاھالىلەرنىڭ تۇرمۇشىنى تەكشۈرمەكتە. (شىنخۇا ئاگېنتلىقى مۇخبىرى دىڭ لىن فوتوسى)
ج ك پ مەركىزىي كومىتېتىنىڭ شۇجىسى، دۆلەت رەئىسى، مەركىزىي ھەربىي ئىشلار كومىتېتىنىڭ رەئىسى شى جىنپىڭ يېقىندا بېيجىڭ شەھىرىدە خىزمەت تەكشۈرگەندە مۇنۇلارنى تەكىتلىدى: پايتەختنى ياخشى قۇرۇش ۋە باشقۇرۇش-دۆلەتنى تەرتىپكە سېلىش سىستېمىسى ۋە تەرتىپكە سېلىش ئىقتىدارىنى زامانىۋىلاشتۇرۇشنىڭ مۇھىم مەزمۇنى. بېيجىڭ مەۋقەنى ئەۋزەللىككە قارىتىپ، ئىسلاھاتنى چوڭقۇرلاشتۇرۇپ، دادىل يول ئېچىپ، يېڭىلىق يارىتىش تەپەككۇرى، پۇختا تەدبىر، چوڭقۇر ئىستىل بىلەن شەھەر تەرەققىياتى ۋە باشقۇرۇش خىزمىتىنى يەنىمۇ ياخشى ئىشلەپ، پايتەختنى ياخشى قۇرۇش جەريانىدا ئۆزلۈكسىز يېڭى نەتىجىلەرنى يارىتىشى كېرەك. شى جىنپىڭ بېيجىڭنىڭ تەرەققىياتىغا ناھايىتى كۆڭۈل بۆلدى. ئۇ 25-فېۋرال بېيجىڭ شەھەرلىك پارتكومنىڭ سېكرېتارى گو جىنلوڭ، شەھەر باشلىقى ۋاڭ ئەنشۈننىڭ ھەمراھلىقىدا، بېيجىڭ شەھىرىنىڭ ئىسلاھاتنى ئومۇميۈزلۈك چوڭقۇرلاشتۇرۇش، پايتەختنىڭ تېخىمۇ ياخشى تەرەققىياتىغا تۈرتكە بولۇش، بولۇپمۇ ئالاھىدە چوڭ شەھەرنىڭ تەرەققىياتىدىكى قىيىن مەسىلىلىرىنى ھەل قىلىش ئىشلىرىنى تەكشۈرۈپ تەتقىق قىلدى. ئۇ 26-فېۋرال سۆھبەت يىغىنىنى رىياسەتچىلىك قىلىپ ئېچىپ، بېيجىڭ شەھىرىنىڭ خىزمەت دوكلاتىنى ئاڭلىدى ھەم مۇھىم سۆز قىلدى.
مەنبە: خەلق تورى