2-ئاينىڭ 18-كۈنى، ج ك پ مەركىزىي كومىتېتىنىڭ باش شۇجىسى شى جىنپىڭ بېيجىڭ دياۋيۈتەي دۆلەت مېھمانخانىسىدا جۇڭگو گومىنداڭ پارتىيەسىنىڭ پەخرىي رەئىسى ليەن جەن ۋە ئۇنىڭغا ھەمراھ بولۇپ كەلگەن تەيۋەن ھەر ساھە زاتلىرى بىلەن كۆرۈشتى. (شىنخۇا ئاگېنتلىقى مۇخبىرى جۈ پېڭ فوتوسى)
خەلق تورى ئۇيغۇرچە قانىلىنىڭ 18-فېۋرال بېيجىڭدىن بەرگەن خەۋىرى: 18-چېسلا چۈشتىن كېيىن، ج ك پ مەركىزىي كومىتېتىنىڭ باش شۇجىسى شى جىنپىڭ بېيجىڭ دياۋيۈتەي دۆلەت مېھمانخانىسىدا جۇڭگو گومىنداڭ پارتىيەسىنىڭ پەخرىي رەئىسى ليەن جەن ۋە ئۇنىڭغا ھەمراھ بولۇپ كەلگەن تەيۋەن ھەر ساھە زاتلىرى بىلەن كۆرۈشكەندە مۇنۇلارنى تەكىتلىدى: ئىككى قىرغاقنىڭ «ئىككى قىرغاقتىكىلەر بىر ئائىلە» دېگەن ئىدىيەگە ئەمەل قىلىپ، ۋەزىيەتكە بېقىپ ئىش كۆرۈپ، بىر نىيەت-بىر مەقسەتكە كېلىپ، ئىككى قىرغاق مۇناسىۋىتىنىڭ تىنچ تەرەققىياتىنى ئىلگىرى سۈرۈشتە تېخىمۇ كۆپ نەتىجىلەرنى قولغا كەلتۈرۈپ، ئىككى قىرغاق ئاممىسىغا بەخت يارىتىپ، جۇڭخۇا مىللەتلىرىنىڭ ئۇلۇغ گۈللىنىشى ئىشقا ئاشۇرۇشتىن ئىبارەت جۇڭگو ئارزۇسىنى بىرلىكتە رېئاللىققا ئايلاندۇرۇشىنى ئۈمىد قىلىمەن.
شى جىنپىڭ مۇنۇلارنى كۆرسەتتى: تارىخىي ۋە رېئالىي سەۋەبلەر تۈپەيلىدىن، ئىككى قىرغاق مۇناسىۋىتىدە ئاسانلىقچە ھەل بولمايدىغان نۇرغۇن مەسىلىلەر ساقلانماقتا، لېكىن ئىككى قىرغاقتىكى قېرىنداشلار بىر ئائىلە كىشىلىرى، قانداشلىققا، ئورتاق مەدەنىيەتكە، ئورتاق ئارزۇغا ئىگە، بۇ ئۆزئارا چۈشىنىشنى ئىلگىرى سۈرۈپ، قول تۇتۇشۇپ بىرلىكتە ئىلگىرىلەشتىكى مۇھىم كۈچ. (ۋۇ يامىڭ خەۋىرى؛ جۇڭگو مىللەتلەر تەرجىمە ئىدارىسى تەرجىمىسى)
مەنبە: خەلق تورى