شى جىنپىڭ رۇسىيەنىڭ سوچى شەھىرىدە ئۆتكۈزۈلگەن 22-نۆۋەتلىك قىشلىق ئولىمپىك تەنھەرىكەت مۇسابىقىسىنىڭ باشلىنىش مۇراسىمىغا قاتناشتىخەلق تورى ئۇيغۇرچە قانىلىنىڭ 6-فېۋرال بېيجىڭدىن بەرگەن خەۋىرى: 6-فېۋرال دۆلەت رەئىسى شى جىنپىڭ رۇسىيەنىڭ سوچى شەھىرىگە يېتىپ بېرىپ، رۇسىيە زۇڭتۇڭى پۇتىننىڭ تەكلىپىگە بىنائەن 22-نۆۋەتلىك قىشلىق ئولىمپىك تەنھەرىكەت مۇسابىقىسىنىڭ باشلىنىش مۇراسىمىغا قاتناشتى.
شۇ جاي ۋاقتى سائەت 13دىن 50 مىنۇت ئۆتكەندە، شى جىنپىڭ ئولتۇرغان مەخسۇس ئايروپىلان سوچى شەھىرىنىڭ ئادلېرىسكېي ئايرودۇرۇمىغا يېتىپ باردى. سوچى شەھىرىنىڭ مەسئۇللىرى شى جىنپىڭنى قىزغىن كۈتۈۋالدى.
بۇ جۇڭگو دۆلەت رەھبىرىنىڭ تۇنجى قېتىم چەت ئەلدە ئۆتكۈزۈلگەن چوڭ تىپتىكى خەلقئارالىق تەنھەرىكەت مۇسابىقىسىنىڭ باشلىنىش مۇراسىمىغا قاتنىشىشى بولۇپ ھېسابلىنىدۇ. سوچىدا تۇرغان مەزگىلدە، شى جىنپىڭ جۇڭگو تەنھەرىكەت ۋەكىللەر ئۆمىكىنى يوقلايدۇ، پۇتىن ۋە باشقا چەت ئەل رەھبەرلىرى شۇنداقلا خەلقئارا تەشكىلاتلارنىڭ مەسئۇللىرى بىلەن كۆرۈشىدۇ. (دۇ شاڭزې، لېي دا خەۋىرى؛ جۇڭگو مىللەتلەر تەرجىمە ئىدارىسى تەرجىمىسى)