23-يانۋار دۆلەت رەئىسى شى جىنپىڭ بېيجىڭ خەلق سارىيىدا فىرانسىيە خەلق پارلامېنتىنىڭ باشلىقى بارتولون بىلەن كۆرۈشتى. (شىنخۇا ئاگېنتلىقى مۇخبىرى جاڭ دو فوتوسى)
خەلق تورى ئۇيغۇرچە قانىلىنىڭ 23-يانۋار بېيجىڭدىن بەرگەن خەۋىرى: دۆلەت رەئىسى شى جىنپىڭ بېيجىڭ خەلق سارىيىدا فىرانسىيە خەلق پارلامېنتىنىڭ باشلىقى بارتولون بىلەن كۆرۈشتى. شى جىنپىڭ مۇنداق دېدى: 1964-يىلى رەئىس ماۋجۇشى بىلەن گېنېرال دېگول جۇڭگو-فرانسىيە دىپلوماتىك مۇناسىۋەت ئورنىتىشتەك تارىخىي خاراكتېرلىك قارارنى چىقىرىپ، ئىككى ئۇلۇغ دۆلەتنىڭ دوستانە ئالاقىسى ۋە ھەمكارلىقى ئۈچۈن يېڭى سەھىپە ئېچىپ، خەلقئارا مۇناسىۋەتتە مۇھىم، چوڭقۇر تەسىر پەيدا قىلغانىدى. ئىككى دۆلەت مۇناسىۋىتىنىڭ تەرەققىيات تارىخىدىكى بۇ مۇھىم ئىشنى خاتىرىلەش ئۈچۈن، ئىككى تەرەپ بىرقاتار خاتىرىلەش پائالىيەتلىرىنى ئۆتكۈزۈشنى قارار قىلدى، پارلامېنت باشلىقىنىڭ زىيارىتى بۇنىڭ مۇقەددىمىسنى باشلاپ بەردى. مەن ئىككى تەرەپ دىپلوماتىك مۇناسىۋەت ئورناتلىقىنىڭ 50 يىللىقىنى خاتىرىلەش پۇرسىتى ئارقىلىق، 2014-يىلىنى ئىسمى جىسمىغا لايىق «جۇڭگو-فىرانسىيە يىلى» قىلىپ، يېڭى تارىخىي پەللىدە جۇڭگو-فىرانسىيە مۇناسىۋىتىنىڭ يېڭى سەھپىسىنى ئورتاق يېزىپ چىقىشنى ئۈمىد قىلىمەن. (مۇخبىر: ليۇ خۇا؛ جۇڭگو مىللەتلەر تەرجىمە ئىدارىسى تەرجىمىسى)
مەنبە: خەلق تورى