شىنخۇا تورى بېيجىڭ 20-نويابىر تېلېگراممىسى : جۇڭگو كومپارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى ، گوۋۇيۈەننىڭ مۇئاۋىن زۇڭلىسى جاڭ گاۋلى 20-نويابىر بېيجىڭ كۆرگەزمىخانىسىدا جۇڭگو-ياۋروپا شەھەرلەر كۆرگەزمىسىنىڭ باشلىنىش مۇراسىمىغا قاتنىشىپ ، كۆرگەزمىنىڭ باشلانغانلىقىنى جاكارلىدى ھەمدە كۆرگەزمىنى ئېكسكۇرسىيە قىلدى . باشلىنىش مۇراسىمىدىن ئىلگىرى جاڭ گاۋلى جۇڭگوغا كۆرگەزمىگە كەلگەن ياۋروپا ئەللىرى ئىتتىپاقى كومىتېتىنىڭ مۇئاۋىن رەئىسى كاراس ۋە ئۇنىڭ ھەمراھلىرى بىلەن دوستانە سۆھبەتلەشتى .
بۇ قېتىمقى جۇڭگو ياۋروپا شەھەرلەر كۆرگەزمىسىنىڭ باش تېمىسى «ئالماشتۇرۇش ، ئەينەك قىلىش ، ئۆز ئارا مەنپەئەت يەتكۈزۈش ئاساسىدا ھەمكارلىشىش ، كەلگۈسىگە يۈزلىنىش ، يېڭىلىق يارىتىپ تەرەققىي قىلىش » دىن ئىبارەت .